Name: Mountain Cardigan
Brand: AS WE GROW
SKU: KS010-Rose-18m-36m
Price: 16900.0 ISK
Availability: OutOfStock

Hús sem vex með hverjum kjól

Sweet Salone er afrakstur sameiginlegs verkefnis íslenskra hönnuða og handverksfólks í Síerra Leóne á vegum velgerðarsjóðsins Aurora.

Sierra Leone. Sweet Salone. Hljómar býsna líkt, enda dregur seinna nafnið dám af því fyrra; Vestur-Afríkuríki, sem í rúman aldarfjórðung var nánast stöðugt í heimsfréttunum vegna alls kyns hörmunga. Skemmst er að minnast tíu ára blóðugrar borgarastyrjaldar til ársins 2002 og ebólufaraldurs árið 2014. Sweet Salone er aftur á móti hönnunarverkefnif á vegum velgerðarsjóðsins Auroru og felst í að stefna saman íslenskum hönnuðum og handverksfólki í Síerra Leóne – eins og landið nefnist á íslensku.

Hönnunarverkefnið snýst um að As We Grow hjálpi handverksfólkinu þar ytra til að auka virði handverks síns, leiðbeinir því með verklag og annað slíkt og síðan að koma vörunum á markað. Allar vörur sem búnar eru til undir þessu samstarfi eru hannaðar undir merkjum As We Grow together with Sweet Salone. Hver flík er merkt með nafni og sögu þeirrar handverksmanneskju sem skapað hefur vöruna. Hugmyndafræðin að baki Sweet Salone verkefnisins passar einstaklega vel við hugsunina að baki As We Grow, að vita hvaðan varan kemur frá hugmynd að tilbúnum hlut. Við trúum því af öllu hjarta að með því að deila hugmyndum okkar, með því að vinna saman og læra hvert af öðru getum við haft jákvæð áhrif á umhverfi okkar og bætt líf annarra.

Foday, klæðskerinn, sem As We Grow vinnur með, er að byggja hús fyrir fjölskyldu sína. Í hvert skipti sem hann selur kjól getur hann keypt nokkra múrsteina. Húsið er því sannkallað As We Grow-hús sem vex með hverjum kjól.

Þær vörur og hugmyndir sem sprottið hafa af þessu tvíhliða samstarfi hafa hlotið góðan hljómgrunn. Frá fyrstu skrefum hafa gæði varanna aukist til muna og hönnuðum tekist að hvetja handverskfólkið að stíga út fyrir sitt þægindasvið með góðum árangri. Í sameiningu hefur tekist að framleiða nýjar vörur sem koma beint úr ranni lista- og handverksfólks í Sierra Leone eftir íslenskri hönnun.

Með því að taka þátt í þessu verkefni er það von okkar að geta stutt hönnunar- og
handverksiðnaðinn í Sierra Leone og lagt okkar af mörkum við að varðveita handverk og hráefni sem annars myndu jafnvel glatast.

Á Íslandi má finna vörurnar í versluninni Nielsen, Bankastræti og í verslun As We Grow að Klapparstíg 29, 101 Reykjavík.